Në datat 10 – 12 maj 2012 u organizua në Tiranë nga Klubi Shqiptar të Ish-Bursantëve të Bundestagut Gjerman në bashkëpunim me Fondacionin Hanns-Seidel, Konferenca e II-të rajonale e shoqatave të ish-bursantëve të Bundestagut Gjerman nga Evropa Juglindore, me temë „Brain Drain, Brain Gain – Sfida për brezat e rinj.“ Në konferencë u prezantuan rrugët dhe mundësitë si edhe u dhanë rekomandime për vendimmarrësit për të penguar fenomenin e Brain-Drain (largimi i trurit) dhe për të përkrahur dhe nxitur fenomenin e Brain-Gain (fitimit të trurit).

Shoqata e Bashkive të Shqipërisë, me mbështetjen e Fondacionit Hanns-Seidel dhe në bashkëpunim të ngushtë me Ministrinë e Jashtme, organizoi më 28 maj 2012 tryezën e rrumbullakët me temë: „Roli i njësive vendore dhe shoqërisë civile në procesin e Integrimit të Shqipërisë në Bashkimin Evropian“. Të ftuar në këtë aktivitet ishin personalitete të larta si Kryetari i Bashkisë së Tiranës, z. Lulzim Basha; Zëvendëskryeministri dhe Ministri i Jashtëm, z. Edmond Haxhinasto; Ambasadori i Bashkimit Evropian ne Shqiprië, z. Ettore Sequi, Zëvendësministri i Brendshëm, z. Ferdinand Poni si edhe kryetarëte bashkive dhe komunave, përfaqësues të ministrive dhe organizatave të tjera kombëtare dhe ndërkombëtare.

Me rastin e 20-vjetorit të themelimit te saj Gjykata Kushtetuese e Republikës së Shqipërisë me pjesëmarrjen e Fondacionit Hanns-Seidel zhvilloi në Tiranë, në datat 6 – 8 qershor një konferencë ndërkombëtare. Në këtë konferencë morën pjesë mbi 200 pjesëmarrës, ku një e treta e tyre ishin shtetas të huaj, kryesisht kryetarë ose nënkryetarë të Gjykatave Kushtetuese nga vendet e Evropës Qëndrore, Lindore dhe Juglindore, si edhe përfaqësues së jurisprudencës shkencore

Aktiviteti i parë i bashkëpunimit trilateral ndërmjet policive kufitare të Malit të Zi, Shqipërisë dhe Kosovës u zhvillua më 16 – 18 maj 2012 në Becic, Mal të Zi, në bashkëpunim me Zyrën e Projektit të Fondacionit Hanns-Seidel në Beograd. Takimi u siguroi pjesëmarrësve mundësinë për të lidhur kontakte me homologët e tyre nga dy vendet fqinje dhe të stimulojnë në mënyrë të drejtpërdrejtë tema dhe pyetje imediate si edhe të gjejnë zhgjidhje për situata problematike. Fondacioni Hanns-Seidel synon të organizojë në Tiranë, në gjysmën e dytë të vitit 2012 takimin trilateral të rradhës të policive kufitare.

Në bashkëpunim me CEAPAL – Qendrën për Formim Politik, Edukim Mediatik dhe Pjesëmarrje, u zbatua në gjysmën e parë të vitit 2012, nga shkurti në qershor, projekti „Polemika e politikës – Debati dhe vendimmarrja në demokraci“ Qëllimi i këtij projekti ishte përmirësimi i formimit politik dhe retorik i të rinjve dhe nxitja e kompetencës për të analizuar situatat politike, për të artikuluar interesat e tyre, për të argumentuar mendimin politik në tolerance ndaj bashkëbiseduesve të tyre dhe për ta përfaqësuar atë në publik.